Hvatningarverðlaun Heimilis og Skóla 2013

Barnaskólinn á Eyrarbakka og Stokkseyri hlaut í gær Hvatningarverðlaun  Heimilis og Skóla við athöfn í Þjóðmenningarhúsinu.. Verðlaunin voru veitt fyrir BARNABÆ.  Tilnefningar til verðlauna Heimilis og skóla voru 28 þetta árið. Sjá nánar

Viðurkenning

Nemendur 5. bekkjar tóku þátt í söfnuninni Börn hjálpa börnum á vegum ABC barnahjálpar. Þeir söfnuðu alls 64.173 krónum sem er frábært

Myndin í fullri stærð

Vettvangsferð

Í dag þriðjudag fóru nemendur 1. bekkjar í vettvangsferð í fjöruna á Stokkseyri. Nýttu þau tímann vel fyrir hádegi til að rannsaka lífríkið og annað fróðlegt og skemmtilegt sem finnst í fjörunni. Nutu börnin sín vel í glampandi sólskini og skjóli í fjörunni.

Heimsóknir 6.bekkur og leikskólanemar

Dagana 6.-8. maí fóru nemendur í 6. bekk í heimsókn í skólann á Eyrarbakka til að skoða og kynna sér skólastarfið þar. Þetta er liður í að undirbúa þau fyrir næsta vetur, en þá verða þau í skólanum á Eyrarbakka. Sömu daga komu væntanlegir nemendur 1. bekkjar í heimsókn í skólann á Stokkseyri og tóku þátt í daglegu starfi skólans í sama tilgangi. Væntanlegur umsjónarkennari þeirra næsta vetur Tinna Ósk tók á móti þeim og skipulagði dagskrá fyrir þau.

Myndin í fullri stærð

Páskaleyfi framundan!!!

Núna að lokinn mikilli árshátíðarlotu stefnum við inn í páskaleyfið. Síðastliðinn miðvikudag var unglingastigið með sína árshátíð í sal skólans á Stokkseyri. Nemendur lögðu mikið í skreytingar og uppsetningu hátíðarinnar og var salurinn og borðin glæsileg! Að loknu borðhaldi þar sem íslenska lambalærið var í hávegum haft hófst öflug skemmtidagskrá sem nemendur höfðu unnið að. Voru atriðið afar góð og skemmtileg. Að því loknu var dansað af fullumkrafti. Árshátíðin tókst afar vel og öllum til sóma!

Fimmtudaginn 21. mars var síðan árshátíð allra bekkja. Fjölmenni var á árshátíðinni og kaffisala 10. bekkinga að henni lokinni var tekin með trompi. Öll atriði voru góð og metnaðarfull og skemmtu allir sér vel.

Í dag, föstudag eru nemendur að ná áttum eftir árshátíðirnar og ganga frá öllu fyrir páskaleyfið. Skóli hefst síðan aftur skv. stundarskrá þriðjudaginn 2. apríl!

Gleðilega páska!

Starfsfólk og nemendur Barnaskólans á Eyrarbakka og Stokkseyri