Þann 29. september – 2. október síðastliðinn fór fram Erasmus+ tengslaráðstefna í Turku í Finnlandi. Sigríður Pálsdóttir deildarstjóri yngra stigs fór sem fulltrúi Íslands ásamt Sigríði H. Pálsdóttur leikskólastjóra frá Egilsstöðum. Þær fræddust um Erasmus+ og kynntust fólki frá öðrum löndum Evrópu. Markmið ráðstefnunnar var að mynda tengsl og búa til verkefni í samstarfi við 3-5 aðrar þjóðir. Í kjölfarið verður sótt um styrk til Erasmus+ fyrir verkefnin. Í vor kemur svo í ljós hvort verkefnin eru styrkhæf. Sigríður kom heim með grunn að einu verkefni sem reynt verður að klára og koma í styrkhæft form. Þau lönd sem koma að því verkefni eru Króatía, Eistland, Finnland, Danmörk, Belgía og Ísland.
